Գաղտնիության Քաղաքականություն

Ընդհանուր Դրույթներ

Սույն գաղտնիության քաղաքականությունը գործում է այն տեղեկատվության նկատմամբ, որը «ՄԱՐԻԱՆՆԱ ՀՈՎՀԱՆՆԻՍՅԱՆ ՀՐԱՅՐ» անհատ ձեռնարկատերը (պետական գրանցման համար և ամսաթիվ՝ 269.1152476, 18-11-2020թ., ՀՎՀՀ՝ 35206239, հասցե՝ ՀՀ, ք. Երևան, Բագրատունյաց փ./Շ/31/1) (այսուհետ՝ «Ընկերություն») կարող է ստանալ Ընկերությանը պատկանող «Orig Inn» բջջային հավելվածից (այսուհետ՝ «Առցանց խանութ») օգտվողի (այսուհետ՝ «Օգտատեր») վերաբերյալ։

Ընկերությունը չի վերահսկում և պատասխանատվություն չի կրում երրորդ անձանց բջջային հավելվածների համար, որոնց Օգտատերը կարող է անցնել Առցանց խանութում առկա հղումներով։

Գրանցվելով Առցանց խանութում և Ընկերությանը փոխանցելով իր անձնական տվյալները՝ Օգտատերն անվերապահորեն համաձայնում է սույն քաղաքականության և դրա պայմանների հետ: Գաղտնիության քաղաքականության որևէ պայմանի հետ համաձայն չլինելու դեպքում Օգտատերը պետք է զերծ մնա Առցանց խանութից օգտվելուց:

Ընկերությունն Օգտատիրոջ անձնական տվյալները հավաքում է այն ժամանակ, երբ վերջինս դրանք նշում է Առցանց խանութում, ուղարկում է էլեկտրոնային փոստով կամ տեղեկացնում անձամբ: Անձնական տվյալների պաշտպանության մասին գործող օրենսդրության համաձայն՝ Օգտատերը կարող է ցանկացած ժամանակ պահանջել փոփոխել, թարմացնել կամ հեռացնել իր անձնական տվյալները:

Սկզբունքներ

Տվյալների որակը

Անձնական տվյալները պետք է՝

Ձեռք բերվեն և մշակվեն արդար ու օրինական ճանապարհով,
Պահպանվեն հատուկ և օրինական նպատակների համար ու չօգտագործվեն այլ նպատակներով,
Լինեն համարժեք, համապատասխան և չգերազանցեն դրանց պահպանման նպատակների սահմանները,
Լինեն ճշգրիտ և անհրաժեշտության դեպքում պահվեն թարմացված վիճակում,
Պահպանվեն այնպիսի եղանակով, որը թույլ է տալիս նույնականացնել տվյալների սուբյեկտներին` ոչ ավելին, քան անհրաժեշտ է տվյալների պահպանման նպատակներով:

Տվյալների անվտանգությունը

Համապատասխան անվտանգության միջոցներ պետք է ձեռնարկվեն Ընկերության մոտ պահվող անձնական տվյալները պատահական կամ չթույլատրված ոչնչացումից կամ պատահական կորստից, ինչպես նաև չթույլատրված մուտքից, փոփոխումից կամ տարածումից պաշտպանելու համար:

Տվյալների սուբյեկտների լրացուցիչ երաշխիքները

Օգտատերը պետք է հնարավորություն ունենա՝

Պարզելու անձնական տվյալների ավտոմատացված ֆայլի գոյությունը, դրա հիմնական նպատակները, ինչպես նաև ֆայլի վերահսկիչի ինքնությունը, բնակության և աշխատանքի հիմնական վայրերը,
Ողջամիտ պարբերականությամբ և առանց ավելորդ հետաձգման կամ ծախսի ստանալու հաստատում, թե արդյոք իրեն առնչվող անձնական տվյալները պահպանվում են ավտոմատացված տվյալների ֆայլում, ինչպես նաև ստանալու այդ տվյալները իր համար մատչելի ձևով,
Անհրաժեշտության դեպքում հասնելու այդ տվյալների ուղղմանը կամ ոչնչացմանը, եթե դրանք մշակվել են օրենքով սահմանված դրույթների խախտմամբ,
Օգտվելու իրավական պաշտպանությունից այն դեպքերում, երբ հաստատման հարցումը կամ, կախված հանգամանքներից, տվյալների ստանալը, ուղղումը կամ ոչնչացումը չեն կատարվել:

Հիմնական Հասկացություններ

Անձնական տվյալ: Օգտատիրոջը վերաբերող ցանկացած տեղեկություն, որը թույլ է տալիս կամ կարող է թույլ տալ ուղղակի կամ անուղղակի կերպով նույնականացնել անձի ինքնությունը,
Անձնական տվյալների մշակում: Անկախ իրականացման ձևից և եղանակից ցանկացած գործողություն կամ գործողությունների խումբ, որը կապված է անձնական տվյալների հավաքման, պահպանման, օգտագործման, փոխանցման, ոչնչացման և այլն հետ,
Անձնական տվյալների փոխանցում երրորդ անձանց: Անձնական տվյալները այլ անձանց փոխանցելուն ուղղված գործողություն,
Անձնական տվյալների օգտագործում: Անձնական տվյալների հետ կատարվող գործողություն, որի նպատակը կարող է լինել որոշումներ ընդունելը կամ ծառայություններ մատուցելը,
Անձնական տվյալների ոչնչացում: Գործողություն, որի արդյունքում հնարավոր չէ վերականգնել տվյալները,
Օգտատեր: Ընկերությանը պատկանող բջջային հավելվածն օգտագործող չափահաս ֆիզիկական անձ,
Բջջային հավելված: App Store-ում և/կամ Google Play-ում գտնվող «Orig Inn» բջջային հավելվածը,
Անձնական տվյալների պաշտպանություն: Տեխնիկական և կազմակերպչական միջոցառումների համալիր, որոնք ուղղված են անձնական տվյալների պաշտպանությանը:

Անձնական Տվյալներ, Որոնք Ստանում և Մշակում Է Ընկերությունը

Սույն քաղաքականության շրջանակներում Օգտատիրոջ անձնական տվյալներն են՝

Հեռախոսահամարը,
Անուն, ազգանունը,
Հասցեն,
Էլեկտրոնային փոստի հասցեն,
Ծննդյան ամսաթիվը,
Բանկային ռեկվիզիտները,
Առցանց խանութում Օգտատիրոջ կատարած գնումների պատմությունը,
Առաքման հասցեները,
Օգտատիրոջ էլեկտրոնային նամակագրությունը Ընկերության հետ:

Օգտագործման տվյալները: Տվյալները, որոնք ավտոմատ կերպով փոխանցվում են Ընկերությանը Առցանց խանութից օգտվելու ընթացքում:

Օգտատիրոջ կողմից կատարված գործողությունները,
Այցելության ժամանակահատվածը,
IP հասցեն,
Cookie-ների տվյալները:

Օգտատիրոջ Անձնական Տվյալների Հավաքման և Մշակման Նպատակները

Ընկերությունը հավաքում և պահպանում է միայն այն անձնական տվյալները, որոնք անհրաժեշտ են ծառայությունների մատուցման և Օգտատիրոջ հետ կնքված պայմանագրերի կատարման համար:

Ընկերությունն օգտագործում է Օգտատիրոջ անձնական տվյալները հետևյալ նպատակներով՝

Օգտատիրոջ նույնականացում,
Պատվերների ձևակերպում և առաքում,
Օգտատիրոջ հետ հետադարձ կապի հաստատում,
Առցանց խանութի աշխատանքի որակի բարելավում,
Այլ նպատակներով, որոնք կարող են նախատեսվել Կողմերի միջև կնքված պայմանագրով, ինչպես նաև ՀՀ օրենսդրությամբ:

Անձնական Տվյալների Մշակման և Երրորդ Անձանց Փոխանցման Պայմանները

Օգտատիրոջ անձնական տվյալների մշակումն իրականացվում է «Անձնական տվյալների պաշտպանության մասին» ՀՀ օրենքին համապատասխան:

Ընկերությունն իրավունք ունի Օգտատիրոջ անձնական տվյալները փոխանցել երրորդ անձանց հետևյալ դեպքերում՝

Օգտատերը տվել է իր համաձայնությունը,
Փոխանցումն անհրաժեշտ է պատվերի առաքման համար (օրինակ՝ սուրհանդակային ծառայություններին),
Օրենքով սահմանված այլ դեպքերում:

Ընկերությունը չունի վերահսկողություն և չի ստանձնում պատասխանատվություն երրորդ անձանց կայքերի գաղտնիության քաղաքականության համար:

Օգտատիրոջ Անձնական Տվյալների Պաշտպանության Համար Կիրառվող Միջոցները

Ընկերությունը ձեռնարկում է անհրաժեշտ իրավական, կազմակերպչական և տեխնիկական միջոցները անձնական տվյալների պաշտպանության համար՝ համաձայն օրենսդրության պահանջների:

Կողմերի Իրավունքները և Պարտականությունները

Օգտատերն իրավունք ունի՝

Ստանալ իր անձնական տվյալների մշակման վերաբերյալ տեղեկատվություն,
Պահանջել անձնական տվյալների ուղղում կամ ոչնչացում,
Հետ կանչել անձնական տվյալների մշակման համար տրված համաձայնությունը:

Ընկերությունը պարտավոր է՝

Օգտագործել տվյալները բացառապես նշված նպատակներով,
Ապահովել տվյալների գաղտնիությունը,
Կատարել օրենսդրությամբ նախատեսված պարտականությունները:

Վեճերի Լուծման Կարգը

Սույն գաղտնիության քաղաքականության կապակցությամբ ծագած վեճերը լուծվում են բանակցությունների միջոցով: Եթե վեճը չի լուծվում, այն կարող է հանձնվել Հայաստանի Հանրապետության իրավասու դատարանի քննությանը:

Գաղտնիության քաղաքականության նկատմամբ կիրառելի իրավունք է հանդիսանում ՀՀ օրենսդրությունը:

Այլ Դրույթներ

Գաղտնիության քաղաքականությունն ուժի մեջ է մտնում Օգտատիրոջ կողմից Առցանց խանութում գրանցման պահից:
Ընկերությունն իրավունք ունի ցանկացած պահի միակողմանի փոփոխել Գաղտնիության քաղաքականությունը: Նոր խմբագրությունն ուժի մեջ է մտնում Առցանց խանութում տեղադրելու պահից:
Գաղտնիության քաղաքականությունը կազմված է հայերենով, ռուսերենով, անգլերենով և պարսկերենով: Տարբեր լեզուների տեքստերի միջև տարընթերցումների դեպքում առավելությունը տրվում է հայերեն տարբերակին: